ទម្រង់នៃប្រព័ន្ធអប់រំជាន់ខ្ពស់របស់​ថៃ

ធាតុ​សំខាន់​ពីរ​ នៃ​ការ​អប់​រំ​ជាន់​ខ្ពស់​មាន​ កម្រិត​សញ្ញា​បត្រ​ជំនាញ​(Diploma) និង កម្រិតសញ្ញា​បត្រ​សិក្សា​បន្ត​(Degree level)។ កម្រិត​សញ្ញា​បត្រ​ជំនាញ​ នេះ​ត្រូវ​បាន​សំរេច​ ជាចម្បង​ចំពោះ​សិស្ស​ដែល​បាន​ជ្រើស​យក​ការ​សិក្សា​ជំនាញ​ វិជ្ជាជីវៈ មួយ​នៅ​ក្នុង​វិទ្យាល័យ​។ វា​ត្រូវ​ចំណាយ​ពេល​ពី​មួយ​ទៅ​បួន​ឆ្នាំ​ដើម្បី​បញ្ចប់​។ វគ្គ​សិក្សា​សញ្ញាប័ត្រ​ជំនាញ​មាន​គោល​បំណង​ អភិវឌ្ឍ​ជំនាញ​ជា​មូលដ្ឋាន​ដែល​បាន​ទាម​ទារ​ ដើម្បី​បំពេញ​បន្ទាន់​ នូវ​តម្រូវ​ការ​ទីផ្សារ ការងារ ដែល​មាន​ ជំនាញ​ពាក់​កណ្តាល​(semi-skilled)។ អ្នក​កាន់​សញ្ញាប័ត្រ​ជំនាញ មាន​ជម្រើសក្នុង​ការ​បន្ត​ការ​សិក្សា​ពីរ​ឆ្នាំ​បន្ថែម​ទៀត​ដើម្បី​ទទួល​វគ្គ​សិក្សា​បរិញ្ញាបត្រ​  នោះ​មាន​ន័យ​ថា​អាច​ឱ្យ​សិស្ស​និស្សិត​ឆ្លង​ពី​កម្រិត​សញ្ញាប័ត្រ​ជំនាញ​ទៅ​កម្រិត​សញ្ញា​បត្រ​សិក្សា​បន្ត​។

កម្រិត​​សញ្ញាបត្រ​​សិក្សា​បន្ត​គឺ​មាន​បញ្ចូល​មេ​រៀន​ថ្នាក់​​បរិញ្ញាបត្រ​(undergraduate) និង ​ថ្នាក់​​បញ្ចប់​​​ការ​​សិក្សា​​(graduate) ​។ កម្រិត​ថ្នាក់​​បរិញ្ញាបត្រ​(undergraduate)​ភាគ​ច្រើន​​​ផ្តោ​ត​​លើ​​ការ​​អភិវឌ្ឍ​​ជំនាញ​​ទូទៅ​​និង​​ការ​​ផ្តល់​​ចំណេះ​ដឹង​​ទូលំ​​ទូលាយ​​។ សិស្ស​​ដែល​​ទទួល​​បាន​​សញ្ញា​បត្រ​​ត្រូវ​​បាន​​គេ​រំពឹង​​ថា អាច​ប្រើ​ដើម្បី​​បំលែង​ពី​​ទ្រឹ​ស្តី​​ទៅ​ជា​ការ​​អនុវត្ត​ ​នៅ​​ក្នុង​​ការ​ងារ​ផ្ទាល់​​ខ្លួន​​របស់​​គេ ក៏​​ដូច​​ជា​​នៅ​គ្រប់​ស្ថានការ​។ ការ​សំខាន់​ចំពោះ​កម្រិត​ទាំង​​នេះ​​ត្រូវ​​បាន​​ផ្តល់​​ជូន​​នៅ​​ក្នុង​​រយៈ​ពេល​​បួន​​ឆ្នាំ​ ​ប៉ុន្តែ​​អ្នក​​ដែល​​បាន​​បន្ត​ការ​សិក្សា​​នៅ​​ក្នុង​ផ្នែក​វិជ្ជសាស្ត្រ និង​​ស្ថាបត្យ​កម្ម​​ ធម្មតា​ត្រូវ​ចំនាយ​ពេល​យូរ​ជាង​នេះ​។ មុខ​វិជ្ជា​​កម្រិត​​បញ្ចប់​​ការ​​សិក្សា​​ផ្តល់​​ដល់​​សិស្ស​​នូវ​​ចំណេះ​​ដឹង​​ស៊ី​​ជម្រៅ​​នៅ​​ក្នុង​​វិស័យ​​នៃ​​ការ​​សិក្សា​​ជាក់​លាក់​​របស់​​ពួក​​គេ ​​។

Leave a Reply

Your email address will not be published. Required fields are marked *